Ракометарките на претставникот на Франција во Лигата на Европа за жени, Нант се изненадувачки победници во натпреварувањето откако во финалето ја совладаа екипата на Шиофок со 36:31.
Тимот од Унгарија имаше само водство на почетокот од средбта, а во продолжение Нант имаше целосна контрола на натпреварот. До полувремето тимот од Франција обезбеди предност од четири гола и водеше 17:13.
И во второто полувреме не се сменија работите на теренот, Нант без многу проблеми го диктираше темпото и сигурно го водеше мечот кон победа и освојување на титулата. Највисокото водство беше осум гола, а во финишот Шиофок само го ублажи поразот.
Предводничка во победата на Нант беше Натали Хагман со седум гола, а шест постигна Алмеида Де Паула. Во екипата на Шиофок, Габриела Тот беше прв стрелец со седум погодоци, додека по пет постигнаа Сич и Ниомбла.
ПОВРЗАНИ ВЕСТИ
