Македонската репрезентативка Марија Штериова полека се враќа во старата форма по по повредата што ја оддалечи од ракометните терени.
Таа правеше операција на рамото, не играше долго време, но тоа е минато и левиот бек ги покажува своите квалитети.
На последниот натпревар на нејзиниот тим Глорија Бузау во романскиот шампионат против Миовени, Македонката беше најдобар стрелец.
Иако Бузау загуби изненадувачки со 21-23, Штериова го имаше приматот како најефикасна за домашниот тим со шест погодоци. Следен предизвик за Штериова и Бузау ќе биде гостувањето кај незгодниот состав на Залау.
Од добрата форма на левиот бек може да биде задоволен и селекторот на сениорките, Љубомир Савевски, кој сигурно сериозно смета на нејзините услуги за претстојните репрезентативни акции.