Женската репрезентација на Македонија загуби по шести пат на Европското првенство во ракомет на плажа.
Во португалскиот град Назаре, подобар од Македонија беше селекцијата на Унгарија со 2-0 во сетови.
Првиот сет им припадна на Унгарките со убедливи 26-8, додека избраничките на Златко Мојсоски беа поконкурентни, па загубија со 14-10.
Најдобри поединки во македонскиот состав беа Ива Божиновска и Бојана Диневска со по шест поени, а четири имаше Теодора Гулицоска.
За Македонија остануваат уште две средби утре и задутре во разигрувањето за пласман од 13 до 16 место на ЕП.
ПОВРЗАНИ ВЕСТИ
