Машката репрезентација на Македонија, иако требаше да добие место, сепак нема да игра на Светското првенство што ќе се одржи во Египет следната година.
Последното слободно место, Светската ракометна федерација и го додели на селекцијата на Чиле, која беше најголем фаворит на квалификацискиот турнир „Последна шанса“ во Средна и Јужна Америка што не се одржа поради коронавирусот.
Чиле ќе игра во групата Г заедно со Египет, Шведска и Чешка, а настапот на ова СП ќе биде шесто по ред, по дебито на СП во Шведска во 2011.
Македонија сега ќе се концентрира на квалификациите за ЕП 2022 и да се надева на полесен ривал во бараж средбите за СП 2023 во Полска и Шведска, каде што за Европа ќе бидат резервирани 13 места.
ПОВРЗАНИ ВЕСТИ
