Тимот на Аполда, каде што тренер е Игор Тоскоски, имаше победнички старт на новата сезона во Регионалната лига на Германија.
По триумфот над БСВ Магдебург со 33-32, Аполда славеше и во втората рунда против Фрејберг со 38-32.
Во Аполда на Тоскоски играат голманот Александар Стојаноски, пивотот Пеце Ѓорѓиески, левиот бек Христијан Милошески и десниот бек Дејан Гошевски.
На средбата со Фрејберг, Гошевски даде 11 гола и беше најдобар на теренот, Милошески стрелаше седум пати, а Ѓорѓиески погоди еднаш во противничката мрежа.
Во следното коло Аполда гостува кај Елбфлоренц.
