Минатата недела женската репрезентација на Србија го имаше првиот собир годинава во рамки на ЕХФ неделата после минатогодишниот настап на Светското првенство во Јапонија.
Српската репрезентативка и поранешна ракометарка на Вардар, Андреа Лекиќ после одработените подготовки ги истакна впечатоците од собирот и целите кои посакуваат да ги остварат во наредниот период.
„Бидејќи го пропуштив последниот Мундијал во Јапонија, овој собир значеше многу за мене како и за сите нас. Националниот тим не тренираше заедно повеќе од девет месеци. Одлично е што се собравме, бидејќи знаеме дека ни претстои одлучувачката сезона, од која имаме големи очекувања. Само овој вид на размислување носи мотивација, желба и волја за тренинг. Повеќе внимание беше посветено на нападот. Многу ми значеше да се вклопам во тимот и нападот кој го играа девојките со голем успех на Светското првенство во Јапонија. Јуниорскито тим работеше со нас и ова е многу важно. Нашата генерација го комплетира својот пат во националниот тим, Олимписките игри ќе бидат нашиот врв во кариерата, и овие млади ракометарки наскоро ќе дојдат на нашите места. Се надеваме дека повредите ќе не заобиколат и ќе можеме да играме на добро ниво и на Европското првенство и во квалификациите за ОИ. Повторувам, ова ќе биде врв на нашите кариери во националниот тим“, рече Андреа Лекиќ за „Балкан Хендбол“:
Србија ќе настапи на претстојното Европско првенство кое започнува на 3 декември, а Србинките се во група со Унгарија, Холандија и Хрватска кои натпреварите ќе ги играат во Трондхајм. Во олимписките квалификации Србија за противници ќе ги има Русија, Унгарија и Кина.
ПОВРЗАНИ ВЕСТИ
