Во заостанатиот натпревар од Групата Б во Супер машката лига составот на Еурофарм Пелистер 2 приреди големо изненадување во Битола и го совлада Металург со 27:26. После интересни 60 минути бодовите останаа во Битола за тимот кој денеска одигра многу помотивирано и поагресивно и за тимот кој покажа дека е решен да дојде до место во плеј-офот.
Од почетокот на натпреварот се виде дека Еурофарм Пелисте 2 ќе биде незгоден ривал и дека ќе оди на сè или ништо на овој дуел. Од почетокот имаше надигрување и се бараше простор за погодок.
Металург не влезе на максимум на овој натпревар, па домашните успеваа да се вратат постојано кога имаа негатива. Металуртг стигна до плус четири во првото полувреме и водеше со 6:2 и 7:3, но ова не даваше гаранција за успешен резултат бидејќи мораше да се одигра на виско ниво и во продолжение.
Место тоа лесно се губеа топки, се брзаше во реализацијата и тука се грешеше, а младите ракометари од Еурофарм Пелистер со максимална мотивација одеа до крај и ја топеа негативата.
Откако израмнија на 10:10 до крајот на полувремето успеаја да издржат и да бидат на гол негатива, па на одмор се замина со предност од 14:13 за тимот на Металург.
Во второто полувреме се разигра Стефан Дрогришки, кој ги поведе своите колеги кон изненадување. Ракометарот кој порано играше за Металург сега играше одлично, а добра поддршка имаше и од Стефан Талевски во нападот. Таквата игра овозможи Еурофарм Пелистер да биде постојано во предност.
Еурофарм Пелистер 2 – Металург
На минута до крај Дрогришки погоди за 27:26, а на 30 секунди до крајот Металург успеа да израмни. Сепак, во моментите кога гостите израмнуваа тренерот Оливер Димитриоски побара тајм-аут, па голот не важеше. Во нападот после тајм-аутот немаше реализација така што домашните се радуваа на голема победа против фаворитот.
Со овие бодови Еурофарм Пелистер 2 се доближи до плеј-офот и опстанокот во Супер машката лига, додека Металург ќе мора да го крене нивото на форма.
 ЕУРОФАРМ ПЕЛИСТЕР 2МЕТАЛУРГ  18 декември 2020 27 - 26Крај |
Детали
| Датум | Време | Лига | Сезона | Match Day | Крај |
|---|---|---|---|---|---|
| 18 декември 2020 | 17:42 | СУПЕРЛИГА Б | 2020/2021 | 18.12.2020 | 60' |
Место
| Спортска сала „Боро Чурлевски“ |
|---|
Резултати
| Екипа | 1-во полувреме | 2-ро полувреме | Резултат |
|---|---|---|---|
| ЕУРОФАРМ ПЕЛИСТЕР 2 | 13 | 27 | Победа |
| МЕТАЛУРГ | 14 | 26 | Пораз |
ЕУРОФАРМ ПЕЛИСТЕР 2
| # | Играч | Позиција | Исклучување | Голови |
|---|---|---|---|---|
| 3 | Цветан Кузманоски | лево крило | 0 | 2 |
| 4 | Јован Талевски | централен бек | 0 | 1 |
| 7 | Дарио Петровски | лев бек | 0 | 2 |
| 8 | Павле Атанасијевиќ | централен бек | 1 | 1 |
| 9 | Васко Димитровски | пивот | 0 | 0 |
| 10 | Христијан Митревски | десен бек | 0 | 0 |
| 12 | Филип Ивановски | голман | 0 | 0 |
| 14 | Филип Јовановски | - | 1 | 0 |
| 22 | Иван Димитровски | лево крило | 0 | 0 |
| 23 | Стефан Талевски | централен бек | 0 | 7 |
| 24 | Никола Стоилевски | десно крило | 0 | 3 |
| 33 | Петар Атанасијевиќ | лев бек | 0 | 0 |
| 51 | Димитар Бардакоски | голман | 0 | 0 |
| 55 | Стефан Дрогришки | лев бек | 2 | 7 |
| 88 | Димитриј Блажевски | десен бек | 0 | 0 |
| 99 | Филип Арсеновски | пивот | 1 | 4 |
| Вкупно | 5 | 27 |
МЕТАЛУРГ
| # | Играч | Позиција | Исклучување | Голови |
|---|---|---|---|---|
| 3 | Дарко Кондев | лево крило | 0 | 1 |
| 4 | Александар Петковски | десен бек | 0 | 0 |
| 7 | Дарио Кофилоски | лево крило | 0 | 2 |
| 10 | Даниел Дупјачанец | голман | 0 | 0 |
| 11 | Мице Шилегов | десно крило | 0 | 4 |
| 13 | Златко Хорват | десно крило | 0 | 8 |
| 17 | Мартин Серафимов | десен бек | 0 | 2 |
| 19 | Милан Лазаревски | пивот | 1 | 3 |
| 20 | Даниел Ѓорѓески | голман | 0 | 0 |
| 21 | Михајло Младеновиќ | лев бек | 0 | 3 |
| 26 | Марко Тарабокија | централен бек | 0 | 2 |
| 27 | Теодор Тодески | лев бек | 0 | 0 |
| 28 | Андреј Митиќ | пивот | 0 | 0 |
| 44 | Стефан Додиќ | централен бек | 0 | 1 |
| 64 | Велко Маркоски | лев бек | 1 | 0 |
| Вкупно | 2 | 26 |
Officials
| Судии: | Делегат: |
|---|---|
| МЕТАЛАРИ ИСМАИЛ НИКОЛОВСКИ НЕНАД | НАЧЕВСКИ МАРЈАН |
