Голманите на Охрид, Јагош Брауновиќ и на Струга, Никола Матовиќ се во трка за местото „чувар на мрежата“ на Црна Гора на Европското првенство во јануари каде што прв избор, сепак, се очекува да биде Небојша Симиќ. На списокот на селекторот Зоран Рогановиќ се најде уште еден ракометар кој игра во Супер машката лига во Македонија, а станува збор за Мирко Радовиќ од Еурофарм Пелистер.
Тројцата најдоа свое место на поширокиот список на Црногорците, па наскоро ќе биде познато дали ќе се најдат и на потесниот список меѓу патниците за Дебрецен.
Црна Гора е еден од ривалите на Македонија во првата фаза на шампионатот, а натпреварот ќе биде од 2. коло на 15 јануари во 18 часот.
СОСТАВ НА ЦРНА ГОРА ЗА ЕП 2022
ГОЛМАНИ: Филип Борозан (Слобода Тузла, БиХ), Јагош Брауновиќ (Охрид), Никола Матовиќ (Струга), Миле Мијушковиќ (Бургос, Шпанија), Небојша Симиќ (Мелзунген, Германија).
ЛЕВИ КРИЛА: Јован Абрамовиќ (Војводина, Србија), Александар Бакиќ (Нексе, Хрватска), Милош Вујовиќ (Фуксе Берлин, Германија), Филип Вујовиќ (Нава, Шпанија).
ЛЕВИ БЕКОВИ: Лука Барјактаровиќ (Слобода Тузла, БиХ), Милош Божовиќ (Иври, Франција), Арсеније Драгашевиќ (Целје, Словенија), Васко Шеваљевиќ (Саран, Франција).
СРЕДНИ БЕКОВИ: Божо Анѓелиќ (Ференцварош, Унгарија), Радојица Чепиќ (Целје, Словенија), Александар Гленџа (Бузау, Романија), Василије Калуѓеровиќ (Потсдам, Германија), Богдан Николиќ (Слобода Тузла, БиХ), Божидар Симиќ (Рико Рибница, Словенија).
ДЕСНИ БЕКОВИ: Стефан Чавор (Вецлар, Германија), Владан Липовина (Балинген, Германија), Стеван Вујовиќ (Минаур Баја Маре, Романија), Бранко Вујовиќ (Келце), Лука Вукичевиќ (Брегенц, Австрија).
ДЕСНИ КРИЛА: Бајша Чејовиќ (Диомидис Аргус, Грција), Марко Ласица (Ал Шабаб, OAE), Фахрудин Мелиќ (Нексе, Хрватска), Мирко Радовиќ (Еурофарм Пелистер), Ристо Вујачиќ (Хапоел Ашдод, Израел), Војислав Вукиќ (Крка Ново место, Словенија).
ПИВОТИ: Миоград Чоршовиќ (Тримо Требње, Словенија), Немања Грбовиќ (Стеауа, Романија), Вук Лазовиќ (Хавкс, Јужна Кореја), Небојша Симовиќ (Саран, Франција), Лука Вујовиќ (Копер, Словенија).
ПОВРЗАНИ ВЕСТИ
