По Иван Чупиќ, Жељко Муса, Филип Ивиќ, хрватскиот првак Загреб е на добар пат да донесе уште едно засилување за следната сезона.
Како што пишува „Спортске Новости“, играчот на Фуксе Берлин, Јаков Гојун е пред договор со „плинарите“ и камбек во татковината.
„Мојот статус во Берлин е добар, тука сум долго, има идеја и да останам, но во овие околности тешко е да се каже колку е тоа реално. Разговарав и со Загреб, постои идеја за камбек, но засега е на чекање. Причини има многу, а една од главните е што моето дете треба да тргне во училиште, па ќе видиме како ќе се развива ситуацијата. Не брзам, ова е такво време кога треба да се има трпение“, вели Гојун за „Спортске Новости“.
Гојун од Загреб се пресели во Сиудад Реал, оттаму замина во ПСЖ, па во Бундес лигата.
ПОВРЗАНИ ВЕСТИ
