Келце славеше со 36-29 над европскиот првак Вардар и освои четири бода за седум дена против истиот ривал.
Тренерот на домашниот тим вели дека е среќен за одличното издание на неговите ракометари и победата над се уште актуелниот владател во Европа.
„Многу сум среќен за победата. Вардар е актуелен европски првак, па дури по Ф4 во декември, ќе има нов шампион. Знаевме пред стартот дека е многу тешко да се игра два меча за кратко време со ист тим. Игравме против Вардаар со полн респект, од почеток до крај. Го знаевме резултатот од Веспрем и бевме малку исплашени, знаевме дека мора да се бориме во текот на сите 60 минути. Тешко е за тренер да работи во вакво корона време. Вардар едвај одигра четири меча во три месеци и се надевам дека ќе бидат подобри во следните натпревари“, вели Душебаев.
Следен предизвик за Келце ќе биде домашниот меч со Фленсбург, додека Вардар ќе му гостува на Порто.
ПОВРЗАНИ ВЕСТИ
