Вардар немоќен против Келце и во Полска, претрпе нов пораз

Ракометарите на Вардар претрпеа нов пораз од екипата на на Келце овој пат на гостувањето во Полска со 36:29 „Црвено-црните“ беа подобриот ривал на отворањето на средбата, а потоа сè беше во знакот на противничката екипа.

Вардар тргна добро, но тоа добро темпо траеше седум минути. Тогаш „црвено-црните“ водеа со 5:2, а потоа за две минути ја загубија предноста и Келце се врати во нерешени 5:5.

До 10:10 во 18. минута имаше неизвесност, а потоа петте гола во серија за Келце практично го решија првиот дел од средбата и на одмор домашните замина со 18:12.

Во вториот дел ракометарите на Келце тргнаа подобро и успеаја да го зголемат водството. Сепак, вардарци успеаја да се соземат, па во 42. минуа да намалат на четири гола разлика. Тогаш Келце имаше 24:20, но тука домашните како да почнаа далеку подобро и влегоа многу поефикасно во останатиот дел од средбата.

На девет минути до крај беше 31:23 и тука веќе беше јасно дека на вардарци им останува само да се обидат да дојдат до попристоен пораз. Не одеше ништо од рака, па на крајот поразот беше неминовен. Келце триумфираше со 36:29 и на тој начин се одржа на врвот во Групата А.

Алушовски: Игравме без енергија, ова е реален резултат!

Душебаев: Среќен сум што го победивме европскиот првак уште еднаш!

Валчак: Имавме добар старт, а потоа се тргна наопаку…

Турна: Победивме силен тим