Ракометарите на Драчево имаа лесна задача во второто коло од Првата лига и остварија лесна и убедлива победа против екипата на Шампион кого го совладаа со 32:28.
Уште од самиот почеток домашниот тим го диктираше темпото, отвори 3:1 а потоа беше и 9:5. До крајот првиот дел Драчево стигна до двоцифрена предност и веќе ја имаше обезбедена победата кога водеше 20:9.
Во второто полувреме со доминантна игра домашниот тим ја потврди победата и запиша бодови. Шампион имаше многу исклучувања и една третина од мечот го одигра со играч помалку или имаше десет суспензии по две минути и еден црвен картон.
Предводник до победата на Драчево беше Филип Дабевски со седум гола, додека шест постигна Бобан Андовски. Во тимот на Шампион најпрецизен со четири погодоци беше Христијан Сибиновски.
ПОВРЗАНИ ВЕСТИ
