Македонскиот вицепрвак Еурофарм Пелистер ги информираше своите фанови дека утре напладне ќе ги пушти во продажба билетите за натпреварот меѓу битолскиот тим и Фуксе Берлин.
Цената на билетите за натпреварот со бундеслигашот е 250 денари. Пелистерци сигурно ќе имаат голема поддршка од трибините, кои секогаш се исполнети до последното место за европските натпревари.
По иста цена се продаваа и билетите за првиот натпревар на ,,фармацевтите” против Архус.
Натпреварот меѓу Еурофарм Пелистер и Фуксе Берлин ќе се одигра на 22 ноември, со почеток од 18:45 часот во спортската сала ,,Боро Чурлевски”.
Ракометарите на Ларс Валтер во претходното коло во Лига на Европа беа подобри од Агуаш Санташ, додека на стартот беа поразени од Архус.
ПОВРЗАНИ ВЕСТИ
