Полскиот вицешампион, Висла Плоцк во своите редови сака да го ангажира третиот голман на репрезентацијата на Египет, Абделрахман Хомајед, пишува „Hand goal“.
Младиот голман моментално е член на Ал Ахли од Египет. Раководството на Висла Плоцк понудило опција, Хомајед да се пресели во Полска од февруари и да биде како позајмен играч од Египетскиот клуб до крајот на сезоната.
Хомајед со кадетската репрезентација на Египет го освои златниот медал на Светското првенство во 2019 година во Македонија и беше дел од Ол Стар тимот. Полскиот клуб моментално на голманската позиција го има голманот на Хрватска, Иван Стевановиќ и младиот голман, Адам Моравски.
Хомајед не добиваше многу шанса на Светското првенство оваа година покрај одличното голманско дуо, Карим Хендави и Мохамед Елтаер.
ПОВРЗАНИ ВЕСТИ
