Вардар го среди Пролет, уште еден чекор до титула

Ракометарите на Вардар славеа на гостувањето кај составот на Пролет потешко од очекувањата. Отпорот на жилавиот домаќин беше скршен во вториот дел, а по овој триумф со 22-28, вардарци ги дели само една победа од титула во Суперлигата.

Пролет со головите на Пејовиќ и Димов поведе со 2-0, но вардарци набрзина направија пресврт, 2-3. Потоа се играше гол за гол, пред “црвено-црните” да се одлепат на плус три, 7-10.

До крајот на полувремето гостите рутински ја одржаа таа разлика и на пауза се замина со резултат 11-14.

Во второто полувреме, Пролет го засили отпорот, имаше неколку шанси и да израмни. Беше 15-16, 17-18, 19-20, но домашните не реализираа, па Чупиќ казни во следниот напад. Погодија Јотиќ и Валчак, па веќе беше 19-22.

На десетина минути до крајот беше 20-25 и јасно беше каков финиш ќе има овој натпревар. За Вардар останува уште средбата со Металург, на која доколку слават, ќе ја освојат титулата, а Пролет за потврда на третото место треба да слави на гости кај Прилеп.

СУПЕР МАШКА ЛИГА – ПЛЕЈ-ОФ

ТАБЕЛА