Иако ослабен без тројца стандардни ракометари, тимот на Еурофарм Пелистер игра одлично во првото полувреме на гостувањето кај Ним во Франција и има само гол негатива, 13-12.
По 3-3 на стартот, битолчани поведоа со два гола 3-5 преку Табоада и Мандалиниќ. Беше и плус три за избраниците на Жељко Бабиќ, 5-8, но следуваше мала криза во играта.
Потоа Ним успеа со три гола во серија да стигне на 8-8, а со голот на Гигу и да поведе со 9-8. Следуваа две грешки на битолчани во серија, па Ним од контра стрелаше за 12-11.
Мандалиниќ со бомба од десетина метри израмни на 12-12, но Гигу се погрижи за водство со гол разлика за Ним на пауза.
ПОВРЗАНИ ВЕСТИ
