Рускиот репрезентативен пикер, Павел Андреев од следната сезона ќе го засили Вардар на линијата од шест. Русинот до сега во својата кариера играше само за Чеховски Медведи и освои девет титули шампион на Русија.
За рускиот сајт „Брз Центар“, Андреев говореше за повеќе теми меѓу кои беше и за трансферот во Вардар и неговите очекувања од Скопје.
„Разговарав со мојот агент кој ми рече дека не треба да мислам за ништо, само опуштено и смирено. Сите документи ќе ги средиме многу брзо бидејќи Македонија не е ЕУ. Порано морав да патувам за да потпишам договор, сега ми пратија договор по пошта, го потпишав скенирав и врати и потоа ми стигна уште еден потпишан и од директорот на Вардар“, објасни Андреев.
Пред Андреев да пристигне во Вардар многу руски ракометари настапуваа во црвено-црниот дрес кои му дале многу совети за животот во Скопје.
„Не сум првиот ниту последниот и разговарав со момците од репрезентацијата со Атман, Горпишини, а Шишкарев ми даде совет во кој дел на градот да изнајмам стан. Сега имам задача да го организирам патувањето до Скопје, како да стигнам таму, најсоодветен е летот преку Истанбул. Ми требаат три билети, за мене, сопругата и ќерка ни. Таа во октомври ќе полни три години и се распрашав за градинка во Скопје. Ми кажаа дека има една каде што сите ракометари ги носат своите деца и дека англискиот јазик се учи многу добро таму“ рече Андреев.
Андреев смета дека јазикот нема да биде никаква бариера бидејќи уште сега речиси разбира се и дека многу му е важно што ќе игра Лига на шампиони.
„Сè уште не можам да зборувам но разбирам околу 90 проценти. Дефинитивно ќе научам, сите пред мене зборувале па и јас мислам дека не сум полош од нив. Штом ќе стигнам во Македонија ќе се погрижам за тоа. Играњето во Лигата на шампиони е важно за мене, убаво е да се вратам и да бидам повторно дел. На пример во послкиот Азоти максимумот е Европската лига, додека Вардар е дел од најсилното натпреварување“, рече Русинот.
Павел Андреев потпиша со Вардар на една година со можност за продолжување уште една и се очекува да биде вистинска замена на заминатите играчи и добро засилување на пикерската позиција.
ПОВРЗАНИ ВЕСТИ
