Марко Кизиќ после десетина години поминати во Вардар, на денешниот натпревар во СЕХА лигата го одигра својот последен меч во дресот на својојт матичен клуб, а од наредната сезона ќе биде дел од Еурофарм Пелистер.
Преминувањето од Вардар во Еурофарм Пелистер според неговото мислење е вистински избор за неговата кариера и смета дека го прави вистинскиот потег.
„Тешко е да се напушти својот матичен клуб каде што практично си израснал. Јас од својата десетта година сум во Вардар, поминав низ сите категории и сега после десет години поминати во еден клуб навистина е тешко. Мислам дека го правам најдобриот избор за својата кариера. Вардар и Пелистер се големи ривали но ќе играм исто како и сезонава додека бев во Вардар а имав портпишано со Еурофарм Пелистер, не ме спречуваше да го дадам својот максимум, и во иднина се ќе дадам за победа на мојот клуб“, изјави Кизиќ.
Исто така Кизиќ накратко го прокоментира и собирот на Б репрезентацијата која ќе има настапи против Србија во претстојниот период.
„Сметам дека Б репрезентацијата на Македонија е една убава идеја каде што ние што имаме помалку шанса ќе можеме да се докажеме и да се наметнеме во сениорската репрезентација. Со тоа ростерот на најдобрата репрезентација ќе се зголеми“, заврши голманот.
Марко Кизиќ имаше многу блескави партии со екипата на Вардар кои не останаа незабележани, а исто така се очекува тој да биде иднината и на голманската позиција во репрезентацијата на Македонија