Десетка на Делиоска за лесен триумф на Стружанка над Спартак

Ракометарките на Стружанка остварија лесна и убедлива победа на домашен терен во 6. коло од првенството во Женската лига против составот на Спартак со 35:17.

Домашниот тим имаше целосна контрола на резултатот и играта од почеток до крај и заслужено ги освои бодовите. Во првите 30 минути Спартак успеваше да држи резулатски приклучок но на паузата замина со негатива од два гола, 11:9.

Во второто полувреме целосно доминираше Стружанка, Спартак тешко постигнуваше голови, а нивната негатива постојано растеше. До крај на дуелот многу лесно домашниот тим стигна до нови бодови.

Најрасположена за игра и најефикасна во тимот на Стружанка беше Магдалена Делиоска со десет погодоци, додека шест постигна Далипоска, а пет Переска. Во екипата на Спартак, Зорица Андовска со шест гола беше најефикасна.

ПозЕкипаНПРЛБ
1ВАРДАР880024
2МЕТАЛУРГ970221
3ОВЧЕ ПОЛЕ С. У.841313
4ЃОРЧЕ ПЕТРОВ840412
5СТРУЖАНКА83059
6СПАРТАК91265
7АСТИБО80171