Ракометарката на Вардар, Ивона Трпевска, го доби признанието за најкорисен играч, односно ѕвезда на 24. коло во Женската лига.
Десното крило на „црвено-црните“ во натпреварот против Спартак имаше девет успешни реализации, сите погодоци ги постигна од игра.
Вардарката доби околу 55% од гласовите на читателите на 24Ракомет, додека второпласирана беше Сара Миновска од Металург Автокоманда со 43%.
Во конкуренција за ѕвезда на 24. коло беше и кружниот напаѓач на Куманово, Сара Цветановска.
ПОВРЗАНИ ВЕСТИ
