Откако не успеа да настапи на ОИ во Франција поради повреда, средниот бек Жоан Кањелас, реши да го одигра последниот натпревар и официјално да замине во пензија.
Тоа беше натпревар меѓу тимовите на Палаутордера и Гранољерс, првите два во неговата богата кариера.
38-годишниот Шпанец ја започна сениорската кариера во Гранољерс, а потоа патот го водеше низ најдобрите шпански клубови – Барса, Сиудад Реал, Атлетико Мадрид, пред да се пресели во Бундес лигата.
Таму играше за Хамбург, со кој стана европски шампион и Кил, од каде што дојде во македонскиот Вардар, каде пак остана белег со своите настапи. Со „црвено-црниот“ тим се искачи на европскиот трон во 2017 година.
Последните два клуба во неговата кариера се унгарскиот ПИК Сегед и швајцарскиот Кадетен Шафхаузен.
Покрај многубројните клупски трофеи, со репрезентацијата на Шпанија освои три златни медали – два на ЕП и еден на СП.
