Ракометарките на Вардар ќе ја завршат оваа сезона во Супер женската лига на третото место на табелата, откако славеа против Куманово со убедливи 45-28.
Сега избраничките на Даниела Новеска имаат 28 бодови и ќе бидат недостижни во следните три кола за Куманово, кој останува на 21 бод на четвртото место.
Победата беше обезбедена уште по првото полувреме кога домаќинките водеа со седум погодоци, 20-13.
Вториот дел мина исто така со доминација на вардар, а Куманово немаше сили да парира и да го направи мечот поинтересен од резултатски агол.
Најдобри во победничкиот тим беа Леона Миленкоска и Ивана Трифуновска со по седум гола, а по шест пати погодија Таида Беровиќ и Мила Ристовска.
