Екипата на Спартак во рамки од 23. коло од Женската лига без многу проблеми го совлада Астибо со 35:27.
За избраничките на Велимир Мицевски ова беше деветта победа во тековната сезона и со новите освоени бодови останаа во игра за 7. позиција на табелата.
Победникот на денешниот натпревар беше најавен уште во првиот дел, кој го доби домаќинот со 18:13.
Спартак во второто полувреме продолжи во исто темпо и во ниту еден момент не беше доведена победата во прашање.
Победничката екипа беше предводена од Михаела Ангеловска и Марија Петковска, двете ракометарки постигнаа по осум погодоци.
Кај Астибо стандардно прво име беше искусната Марија Анчева, која заврши како прв стрелец на натпреварот со 11 успешни реализации.
ПОВРЗАНИ ВЕСТИ
