Шпанскиот стратег Чави Пасквал би можел во иднина да биде предводник на машката репрезентација на Египет.
Европските медиуми најавуаат дека ќе биде завршена соработката со Хуан Карлос Пастор, а на негово место треба да дојде актуелниот тренер на Веспрем.
Со оглед на тоа што многу египетски репрезентативци ќе играат за унгарскиот гигант од лето, раководството на тамошната федерација смета дека е логично Пасквал да биде нов предводник.
Како кон оваа ситуација ќе се однесува унгарскиот првак, ќе биде познато допрва, а претходниот експеримент на Пасквал со паралелното водење на клуб и репрезентација (Динамо Букурешт и Романија) не се покажа успешно.
