Шабановиќ: Поразот беше очекуван, но задоволни сме од одиграното!

Ракометарите на Прилеп во натпревар од 7. коло беа поразени на гостувањето во Битола кај Еурофарм Пелистер со 42:29.

Прилепчани во најголемиот дел од првото полувреме беа достоен ривал, но во вториот дел немаа многу сили да се надигруваат со поискусните ракометари на домашниот табор.

Десното крило на Прилеп, Денис Шабановиќ, истакна дека е задоволен од прикажаната игра против актуелниот македонски шампион.

,,Поразот беше очекуван, сепак, Еурофарм Пелистер е квалитетна и поискусна екипа од нас. Пристигнавме во Битола без никаков товар и притисок, сакавме да пробаме други работи за следните натпревари, кои за нас се клучни. Секогаш е убаво чувството кога играш против тим кој се натпреварува во Лигата на шампионите. Иако сме поразени, главно сме задоволни од одиграното, посебно во првиот дел и можам да кажам дека сѐ што беше договорено исполнивме”, изјави Шабановиќ.

На Прилеп во следното коло му претстои тежок меч, бидејќи ќе му гостува на Бутел Скопје.

 

Еурофарм Пелистер со одличен втор дел до убедлива победа против Прилеп