Репрезентативките на Соединетите Американски Држави ги плаќаат најголем дел од трошоците за настап на Светското првенство за младинки во Македонија.
Еден од противниците на Македонија во групната фаза, добива само мал дел од федерацијата на САД, па затоа собираат и донации.
Планот им е да соберат 20.000 долари, но време има се помалку, а досега преку линкот за донации имаат собрани околу 300 долари.
Американките ќе ги одработат подготовките за Мундијалот низ Европа но во две групи. Една половина ќе работи во Монпелје во Франција, додека другата половина ќе биде во Леонберг во Германија.
Покрај Македонија и САД, во групата на младинското СП што стартува на 19 јуни во Скопје, ќе биде уште Ангола и Исланд.
ПОВРЗАНИ ВЕСТИ
