Ракометарките на Пелистер прославија триумф над Куманово со 24-20 во последниот натпревар од Супер женската лига.
Битолчанки во среда го играат баражот за опстанок во елитната конкуренција против Ѓорче Петров 2, а овој меч им дојде како убаво загревање за важната битка.
По нерешените 13-13, во вториот дел доминираа домаќинките и на крајот заслужено прославија победа.
Најдобри стрелци во победничкиот тим беа Анастасија Тодоровска со осум гола и Леона Елмазовска со четири, додека осум погодоци за Куманово даде Нена Нестороска.
