Поранешниот селектор на женската сениорска репрезентација на Хрватска, Ненад Шоштариќ, по кратката пауза се врати на иста функција, но во друга репрезентација.
Тој стана селектор на машката кадетска репрезентација и ќе ги води младите ракометари на претстојното Европско првенство во Црна Гора.
Минатата година Шоштариќ го напушти кормилото на сениорките, кое го презема Ивица Обрван и стана тренер на Загреб.
Но кратко траеше таа авантура поради здравствените проблеми со грбот, па мораше да земе кратка пауза од ракометот, и работеше само повремено со младите категории во Загреб.
Хрватските кадети се најдоа во тешка група на ЕП заедно со селекциите на Словенија, Србија и Грција.
ПОВРЗАНИ ВЕСТИ
