Репрезентацијата на Хрватска одигра доминантно против Исланд, триумфираше со 32:26 во натпревар од 2. коло од главната фаза на Светското првенство 2025.
Хрватите со денешната победа ги задржаа шансите за пласман во четвртфиналето, а избраниците на Сигурдсон во последното коло за ривал ја имаат селекцијата на Словенија.
Сега Египет, Хрватска и Исланд имаат по шест бода, па така в понеделник ќе биде познато кои две од трите репрезентации ќе одат во четвртфиналето.
Египет во последното коло ќе игра против Зеленортските Острови, додека Исланд ќе се соочи со незгодната Аргентина.
Домаќините уште од стартот покажаа дека се желни за победа, во раната фаза направија солидна предност, го имаа расположениот Доминик Кузмановиќ на голот и на пауза заминаа со плус осум, 20:12.
Островската земја никако не можеше во вторите 30 минути резултатски да се доближи, имаше минус девет во 43-та минута, 25:16, а Хрватите до самиот финиш не се опуштија ниту во еден момент.
Норвешка го победи Чиле со 39:22 (17:11), но скандинавската селекција нема да игра во четвртфиналето, па така натпреварот против Шведска ќе биде шанса за подобар пласман на Мундијалот.
