Ракометарките на Металург Автокоманда на гостувањето во Штип кај Астибо без многу проблеми триумфираа со 40:30.
Избраничките на Јулијана Дамчевска одиграа одлично во двете полувремина, а освојувањето на новите два бода ги најавија уште во првиот дел.
Гостинките од Автокоманда на полувреме имаа предност 20:12 од и рутински го одработија второто полувреме.
Најефикасна во победничката екипа беше Стефани Ристиќ со шест погодоци, по пет имаа Сандра Трпеска, Борјана Коцева, Бојана Коцева и Сара Миновска.
Кај Астибо најефикасни беа Марија Анчева и Елена Вучевска со по 11 погодоци.
Металург Автокоманда во следното, 12. коло ќе го пречека Вардар, додека Астибо ќе биде гостин кај актуелниот шампион Ѓорче Петров.
