Поранешниот шампион на Македонија, Куманово, во рамки од 8. коло од Женската лига на свој терен славеше против Овче Поле СУ со 41:15.
Тимот на Славиша Димитриевски победата си ја обезбеди уште првите дваесетина минути кога поведе со 15:0, а гостинките од Свети Николе првиот гол го постигнаа дури во 23 минута.
Куманово за 30 минути игра прими само три, а постигна 20 гола, а вториот дел, исто така, наликуваше на полесен тренинг на домаќинот.
Најефикасни во победничката репрезентација била Мила Трајковиќ и Сузана Зечевиќ, двете постигнаа по девет гола, шест имаше Марија Петреска.
Кај Овче Поле СУ најрасположена за игра беше Кристина Младеновска Кузмановска, која зад своето име имаше шест успешни реализации.
ПОВРЗАНИ ВЕСТИ
