Бундеслигашкиот првак Кил победнички заминува од Македонија, но пред летот за Германија, „зебрите“ имаа средба со раководството на Охрид.
Спортскиот директор Виктор Силаѓ, тренерот Филип Јиха и Домагој Дувњак, беа на средба со градоначалникот на Охрид, Кирил Пецаков, и спортскиот директор на охридскиот клуб Славчо Ристески.
На средбата двете страни разговарале за идна можна соработка, а од Охрид ќе упатат официјална покана до Кил за учество на турнирот „Крсте Андоновски“.
Германците најавиле и ветиле дека таа ќе биде разгледана и ако се вклопува во календарот за следната и за некоја од идните сезони, со задоволство би била прифатена.
Кил славеше во Битола кај Еурофарм Пелистер со 23-20 во Лигата на шампионите и сега има три од три во елитното натпреварување.
ПОВРЗАНИ ВЕСТИ
