Пред одигрувањето на последното коло од Супер лигата, остануваат само уште две дилеми кои ќе бидат разрешени на почетокот на следната недела.
Двата меча од групата А, на кои ќе биде решено кој ќе биде последниот патник во суперлигашкиот плеј-оф ќе бидат одиграни во вторник.
Еурофарм Пелистер 2 гостува кај Куманово и само победа го остава во игра за место во разигрување за титулата, но ќе мора да чека и победа на Аеродром во Струга.
Стружани сами решаваат за себе. На домашен терен играат против Аеродром кој ги загуби шансите и со реми или победа се сигурни во ТОП 8.
Двата меча ќе се играат во исто време, во вторник на 12 декември со почеток во 20:00 часот во „Перо Наков“, односно „Нико Нестор“.
Од оваа група во плеј-офот патуваат вицепрвакот, Тиквеш и Охрид, додека последниот патник ќе биде познат во вторник.
Од групата Б, во плеј-оф се сигурни Вардар, Еурофарм Пелистер и Бутел Скопје, додека Пролет и Голден Арт ќе се борат за последното место.
Пролет на домашен терен игра со Бутел Скопје, кој е безбеден на третото место, додека Голден Арт гостува кај Вардар, кој не смее да си дозволи кикс.
За Пролет е доволен и бод за да биде сигурен во ТОП 8, додека Голден Арт мора да го совлада Вардар и да чека победа на Бутел Скопје кај Пролет.
Двете средби во СЦ „Јане Сандански“ и во салата „Македонско Сонце“ ќе се играат на 13 декември со почеток во 18:30 часот.