ИДЕАЛЕН ТИМ НА 6. КОЛО ОД ПЛЕЈ-ОФ/АУТ ВО СУПЕР ЛИГАТА (АНКЕТА)

Традицијата продолжува и екипата на 24Ракомет и годинава ви овозможува во секое коло од разигрувањето за титула и за опстанок да гласате за најдобрите ракометари по коло во пролетниот дел од сезоната.

На крајот од сезоната повторно ќе ја избереме иделната седморка, а во меѓувреме за секое коло од плеј-оф и плеј-аут ќе ви дадеме можност да го изберете најдобриот играч во идеалниот тим што го предлага тимот на 24Ракомет.

Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 6 коло од плеј-оф/аут во суперлигашката конкуренција.

Едноставно, гласајте за ракометарот за кој сметате дека бил меѓу најдобрите и го одбележал ова коло.

Meѓу номинираните за ова коло има по двајца ракометари од Вардар и од Тиквеш, како и по еден од Еурофарм Пелистер, Еурофарм Пелистер 2 и Прилеп.

За МВП на колото ќе можете да гласате до петок до 12 часот.

Супер лига, 6. коло, резултати:

Плеј-оф

ОХРИД – ВАРДАР 25-27 (ИЗВЕШТАЈ)
БУТЕЛ СКОПЈЕ – АЛКАЛОИД 20-23 (ИЗВЕШТАЈ)
ЕУРОФАРМ ПЕЛИСТЕР – СТРУГА 34-23 (ИЗВЕШТАЈ)
ПРОЛЕТ – ТИКВЕШ 23-26 (ИЗВЕШТАЈ)

Плеј-аут

КУМАНОВО – АЕРОДРОМ 10-0 сл.
ГОЛДЕН АРТ – ЕУРОФАРМ ПЕЛИСТЕР 2 21-26 (ИЗВЕШТАЈ)
МУЛТИ ЕСЕНС – СКОПЈЕ 32-20 (ИЗВЕШТАЈ)
ПРИЛЕП – ВАРДАР НЕГОТИНО 27-22 (ИЗВЕШТАЈ)

СПОРЕД ВАС КОЈ Е МВП НА 6.КОЛО ОД ПЛЕЈ-ОФ/АУТ ВО СУПЕР ЛИГА?

Владан Кастратовиќ - среден бек - Прилеп

54.65%

Василије Печурица - голман - Еурофарм Пелистер 2

27.65%

Хансер Родригез - лево крило - Вардар

3.79%

Денис Василев - пивот - Еурофарм Пелистер

3.73%

Евгениј Темелкоски - десно крило - Тиквеш

3.45%

Мартин Манасков - лев бек - Тиквеш

3.41%

Дарко Ѓукиќ - десен бек - Вардар

3.32%

ИДЕАЛЕН ТИМ НА 6. КОЛО ОД СУПЕРЛИГАШКИОТ ПЛЕЈ-ОФ/АУТ

Голман: Василије Печурица (Еурофарм Пелистер 2) – Црногорскиот чувар на мрежата има 12 интервенции во важниот триумф над Голден Арт.

Лево крило: Хансер Родригез (Вардар) – Кубанскиот репрезентативец постигна десет гола за победа покрај езерото против Охрид.

Лев бек: Мартин Манасков (Тиквеш) – Манасков ја продолжи одличната форма во која што игра оваа сезона и на натпреварот против Пролет.

Среден бек: Владан Кастратовиќ (Прилеп) – Црногорецот постигна вкупно пет гола (два од пенал), но подели и многу асистенции до соиграчите.

Десен бек: Дарко Ѓукиќ (Вардар) – Српскиот репрезентативец покажа дека може да одигра и на крило и на бек и му даде шест гола на Охрид.

Десно крило: Евгениј Темелкоски (Тиквеш) – Прилепчанецот имаше одлична реализација и беше меѓу најзаслужните за победата над Пролет.

Пивот: Денис Василев (Еурофарм Пелистер) – Рускиот кружен напаѓач имаше значајна улога во двата правци на натпреварот против стружани.