Европската ракометна федерација донесе одлука околу неутралниот терен на кој ќе се игра мечот меѓу Партизан и АЕК Атина.
Иако Скопје беше во комбинација и споменат како најдобра варијанта, сепак ЕХФ реши овој меч да се игра на 7 април од 11:00 часот во бугарскиот град Шумен.
АЕК Атина победи на првата средба со 27-22, а вториот меч што требаше да се игра во Белград беше откажан, поради навивачите на српскиот тим кои фрлаа топовски удари на теренот, а гостите одбија да играат.
Партизан се жалеше на оваа одлука, но ЕХФ пресече и сега мечот ќе се игра во Бугарија без присуство на навивачи. Победникот од овој двомеч ќе игра против Извиѓач Љубушки.
