Денес со натпреварот меѓу Тиквеш и Аеродром ќе стартува новото, деветто коло во суперлигашката конкуренција.
Тимот на Аеродром, кој во досегашниот тек од сезоната собра 12 бодови, односно триумфираше на четири дуели, ќе се обиде да покаже квалитетна игра пред кавадаречката публика.
Ракометарите на Тиквеш имаат само еден пораз, од вицепрвакот, па така се очекува да дојдат до нови бодови и да ја продолжат трката за првата позиција на табелата во Групата А.
Голема борба се очекува на натпреварот меѓу Прилеп и Пролет. Двете екипи се во игра за пласман во плеј-оф фазата.
Пролет со победа над Прилеп ќе ги зголеми шансите за место меѓу најдобрите четири екипи во групата Б.
За избраниците на Божидар Мојсов денешниот дуел со скопскиот тим ќе биде „се или ништо“. Прилепчани со победа ќе се вратат во игра за плеј-офот, но доколку бидат поразени, тогаш ќе ги загубат сите шанси за 4. позиција на табелата.
Машката кадетска репрезентација на Македонија денес ќе го одигра вториот контролен натпревар на меѓународниот турнир „Трофеј Карпати“.
Втор ривал на избраниците на Наум Танески е домаќинот Романија, која во првото коло од турнирот ја совлада Црна Гора со 38:29.
ДЕНЕСКА НА ТЕРЕНИТЕ:
16:30 МАКЕДОНИЈА – РОМАНИЈА (ПРИЈАТЕЛСКИ)
17:00 ЦРВЕНА ЅВЕЗДА – ПРОЛЕТЕР (СРБИЈА)
18:00 СЛОБОДА – ВОГОШЧА (БИХ)
18:30 ТРЕБЊЕ – ОРМОЖ (СЛОВЕНИЈА)
18:30 ТИКВЕШ – АЕРОДРОМ (МАКЕДОНИЈА)
19:00 ПРИЛЕП – ПРОЛЕТ (МАКЕДОНИЈА)
19:00 ГРАЧАНИЦА – КРИВАЈА (БИХ)
19:00 ФЕРЛАХ – ТИРОЛ (АВСТРИЈА)
19:00 РАДНИЧКИ – МЕТАЛОПЛАСТИКА (СРБИЈА)
19:00 ХАМБУРГ – ХАНОВЕР (БУНДЕС)
19:00 ЕКС АН ПРОВАНС – ЛИМОЖ (ФРАНЦИЈА)
19:00 НАНТ – ДАНКЕРК (ФРАНЦИЈА)
19:00 ХОРСЕНС – НИКОБИНГ (ДАНСКА)
19:00 ДАЛМАТИНКА – ПОДРАВКА (ХРВАТСКА)
19:30 ЛОК. ЗАГРЕБ – ЛАБИН (ХРВАТСКА)
19:30 БАДЕН – ЦИРИХ (ШВАЈЦАРИЈА)
20:00 ЈЕДИНСТВО – РУДАР (ЦРНА ГОРА)
20:00 ПУЕНТИ ХЕНИЛ – ВАЉАДОЛИД (АСОБАЛ)
20:00 ГУМЕРЗБАХ – ФУКСЕ БЕРЛИН (БУНДЕС)
20:00 ШАРТ – ИВРИ (ФРАНЦИЈА)
20:00 НИМ – СЕСОН (ФРАНЦИЈА)
20:30 ДИЖОН – КРЕТЕЈ (ФРАНЦИЈА)
ПОВРЗАНИ ВЕСТИ
