Денеска, со натпреварот меѓу Бутел и Охрид, ќе започне плеј-оф фазата, односно разигрувањето за титулата во суперлигашката конкуренција, додека со натпреварот меѓу Пролет и Струга ќе започне борбата за опстанок.
На денешната програма ќе има пет суперлигашки дуели, а најинтересно се очекува да биде на дербито во СЦ „Јане Сандански“ меѓу вицепрвакот Вардар и тимот на Кире Лазаров.
Како што е познато, вардарци и избраниците на Лазаров во плеј-офот влегуваат со по два бода, и токму денешниот натпревар ќе покаже која од двете екипи ќе направи голем исчекор, иако е прво коло.
Еден од најголемите фаворити за првата позиција на табелата во плеј-аут фазата, тимот на Пролет, на свој терен ќе ја пречека Струга, а дебитантот Борец ФЛ ќе гостува во Прилеп кај истоимената екипа.
Куманово, пред својата публика, ќе посакува со победа да го отвори плеј-аутот, а прв ривал во борбата за опстанок на избраниците на Димковски ќе биде Радовиш.
Кај дамите ќе има четири натпревари од плеј-оф и плеј-аут фазата, додека на европската сцена, поточно во ЛШ, ќе се одиграат три реванш-дуели од осминафиналето.
ДЕНЕСКА НА ТЕТЕНИТЕ
16:30 ВАРДАР – КУМАНОВО (ЖЕНСКА ЛИГА)
18:00 ЃОРЧЕ ПЕТРОВ 2 – ПЕЛИСТЕР (ЖЕНСКА ЛИГА)
18:00 БУТЕЛ – ОХРИД (СУПЕР ЛИГА)
18:00 ПРОЛЕТ – СТРУГА (СУПЕР ЛИГА)
18:30 АСТИБО – МЕТАЛУРГ АВТОКОМАНДА (ЖЕНСКА ЛИГА)
18:45 ФУКСЕ – КЕЛЦЕ (ЛШ)
19:00 КУМАНОВО – РАДОВИШ (СУПЕР ЛИГА)
19:00 ВАРДАР – АЛКАЛОИД (СУПЕР ЛИГА)
19:30 ПРИЛЕП – БОРЕЦ ФЛ (СУПЕР ЛИГА)
19:45 ШАМПИОН – СТРУЖАНКА (ЖЕНСКА ЛИГА)
20:45 МАГДЕБУРГ – ДИНАМО (ЛШ)
20:45 НАНТ – ВИСЛА (ЛШ)
