По ЕХФ неделата, во која нашата репрезентација двапати се соочи со Србија, денеска продолжуваат натпреварите во единственото женско сениорско натпреварување.
Во рамки на 8. коло од плеј-оф фазата, се очекува интересен натпревар меѓу Металург Автокоманда и Куманово. Овие две екипи првиот дуел во плеј-офот го одиграа во февруари, а тогаш тимот од Автокоманда славеше со 22:18.
Актуелниот шампион Ѓорче Петров, кој досега има максимален учинок, на свој терен ќе го пречека тимот на Вардар, додека вицепрвакот Чаир ќе го угости последнопласираниот Астибо. Екипата на Басри Љатифи важи за голем фаворит на денешниот дуел.
Во плеј-аут фазата, Стружанка е домаќин на Спартак, Деспина ќе гостува кај Шампион, а Пелистер пред својата публика ќе се обиде да ги освои бодови против Овче Поле Славјански Универзитет.
Освен кај дамите, натпревари ќе има и во прволигашката конкуренција. Овој викенд ќе се одиграат последните натпревари од регуларниот дел од сезоната во Првата лига, а потоа следува разигрувањето за Супер лигата. Оние што не успеаја да бидат меѓу најдобрите пет во двете групи ќе играат во плеј-аут фазата.
На програмата денеска има и два натпревари од квалификациите за Европското првенство 2026. Македонија утре ќе го одигра четвртиот квалификациски натпревар, а ривал ќе биде Словенија, која пред неколку дена триумфираше во Скопје.
ДЕНЕСКА НА ТЕРЕНИТЕ:
14:00 СКОПЈЕ – ТЕКСТИЛЕЦ (МАКЕДОНИЈА)
14:00 ЧАИР – АСТИБО (МАКЕДОНИЈА)
14:45 НОРВЕШКА – ШВЕДСКА (ПРИЈАТЕЛСКИ)
15:30 МЕТАЛУРГ АВТОКОМАНДА – КУМАНОВО (МАКЕДОНИЈА)
16:00 ЦИРИХ – ЗУГ (ШВАЈЦАРИЈА)
16:00 ДАНСКА – ФРАНЦИЈА (ПРИЈАТЕЛСКИ)
16:30 ГЕРМАНИЈА – АВСТРИЈА (КВАЛИФИКАЦИИ ЗА ЕП)
17:00 ШАМПИОН – МЛАДОСТ (МАКЕДОНИЈА)
17:00 ИСЛАНД – ГРЦИЈА (КВАЛИФИКАЦИИ ЗА ЕП)
17:00 СТРУЖАНКА – СПАРТАК (МАКЕДОНИЈА)
17:00 ЃОРЧЕ ПЕТРОВ – ВАРДАР (МАКЕДОНИЈА)
18:00 БЕКАМЕНТ – ЈАГОДИНА (СРБИЈА)
18:30 ПЕЛИСТЕР – ОВЧЕ ПОЛЕ (МАКЕДОНИЈА)
18:30 ВАРДАР НЕГОТИНО – ДРАЧЕВО (МАКЕДОНИЈА)
19:00 ШТОКЕРАУ – ХИПО (АВСТРИЈА)
19:30 ШАМПИОН – ДЕСПИНА (МАКЕДОНИЈА)
20:00 ПРЕСПА ВАРДАР – ПАРТИЗАН (МАКЕДОНИЈА)
