Репрезентацијата на Данска е последниот полуфиналист на Европското првенство 2024, откако во последното коло од групната фаза славеше над Холандија со 30:26 (15:13).
Данска за пласман во финалето ќе се бори против Франција, додека светскиот првак од 2019 година ќе игра за петто место на континенталниот собир, а негов ривал ќе биде Шведска.
Откако во првиот дел скандинавската селекција имаше минимална предност, водеше со еден до два гола разлика, во вторите 30 минути избраничките на Јенсен најдоа решение како да ги запрат „лалињата“.
Холандија некако одржуваше ритам до 40-та минута, губеше со мала негатива, потоа во последниот период од натпреварот Данска дојде до солидна предност и до крај успеа да ја сочува.
Најефикасна кај Данска беше Ане Мете Хансен со седум гола, кај Холандија блескаше Дионе Хошер, која имаше100 % реализација, десет од десет.
