Денеска во центарот на вниманието ќе биде пресметката меѓу Вардар и францускиот Нант во второто коло од Лигата на шампионите.
Македонскиот шампион со многу проблеми со играчкиот кадар ја дочекува оваа пресметка – нема да играат Стојановски, Бомаштар, Лазаревски и Митровиќ, а под знак прашалник е Да Силва.
Од друга страна, Вардар мора да брка победа за да ги остави живи надежите за ТОП 12 во најелитното европско клупско натпреварување. Нант доаѓа во Скопје по импресивна победа над Екс Ан Прованс со десет гола разлика, 38-28, а голманот Иван Пешиќ се врати во составот откако не играше со Висла Плоцк.
Вардар и Нант досега имаат две соочувања од сезоната 2017/18, и секоја екипа победуваше на свој терен. Денешниот натпревар се игра во СЦ „Јане Сандански“ со почеток од 18:45 часот.
Покрај натпреварот на Вардар денеска се играат уште пет средби во Лигата на шампионите, а најинтересно ќе биде во Берлин, каде Фуксе го пречекува Веспрем.
Настапи за своите клубови ќе имаат и многу македонски ракометар(к)и низ Европа…
ДЕНЕСКА НА ТЕРЕНИТЕ:
18:00 АТЛАС – ГРИФК (ФИНСКА)
18:00 ГАЛИЧАНКА – ПЈОТРКОВИЈА (ПОЛСКА)
18:00 РУХ КАЛИШ – ЛУБЛИН (ПОЛСКА)
18:30 ВОЈВОДИНА – РУМА (СРБИЈА)
18:45 ВАРДАР – НАНТ (ЛИГА НА ШАМПИОНИ)
18:45 ГОГ ГУДМЕ – ПИК СЕГЕД (ЛИГА НА ШАМПИОНИ)
18:45 КРИСТИЈАНШТАД – СПОРТИНГ ЛИСАБОН (ЛИГА НА ШАМПИОНИ)
19:00 ЈАГОДИНА – ЦРВЕНА ЗВЕЗДА (СРБИЈА)
19:00 РИБНИЦА – ГОРЕЊЕ ВЕЛЕЊЕ (СЛОВЕНИЈА)
19:30 БОРУСИЈА ДОРТМУНД – ХАЛЕ НОЈШТАТ (ГЕРМАНИЈА)
20:00 КОНВЕРЗАНО – МАКАБИ РИШОН (ЕХФ КУП)
20:15 РАДОМ – СТАРТ ЕЛБЛАГ (ПОЛСКА)
20:45 ПСЖ – ЗАГРЕБ (ЛИГА НА ШАМПИОНИ)
20:45 ФУКСЕ БЕРЛИН – ВЕСПРЕМ (ЛИГА НА ШАМПИОНИ)
20:45 КОЛСТАД – КЕЛЦЕ (ЛИГА НА ШАМПИОНИ)
