Давид Савревски верува дека Охрид допрва ќе го покаже вистинското лице. По освоениот турнир во Струга, домаќинот продолжи со силни проверки на „Крсте Андоновски“, а македонскиот ракометар сака со добри партии повторно да се наметне и за репрезентативен повик.
Еден турнир е веќе зад тимот, вториот се игра пред домашната публика, а Давид Савревски смета дека во оваа фаза најважно е екипата да напредува од натпревар во натпревар.
„Секој натпревар е многу важен за нас, но ова е само почеток на сезоната. Мислам дека како ќе изминува времето, ќе гледаме сè подобри партии. На мене е да тренирам и да напредувам“
Савревски има јасен пристап и кога станува збор за сопствената улога во новата сезона.
„На мене е да давам сè од себе, да тренирам и да напредувам, па ќе видиме што ќе биде.“
Добрата форма може повторно да ја отвори и репрезентативната врата.
„Ако заслужам да бидам повикан, тогаш треба да бидам повикан.“
За Савревски најважно ќе биде одговорот да го даде на теренот. Охрид во подготовките веќе освои еден пехар – оној во Струга, каде во финалето славеше против Вардар.
Савревски смета дека победата над шампионот на Македонија е значајна, но потенцира дека во „Билјанини Извори“ конкуренцијата е уште посериозна.
„Турнирот во Охрид е далеку посилен од турнирот во Струга. Во Струга забележавме победа над шампионот на Македонија и тоа секако многу ни значи.“
Но минатите резултати нема да помогнат ако играта не биде на потребното ниво, каков што беше случајот на Египет У20.
„Имавме многу грешки и промашени зицери“
Савревски не беше задоволен од еден од првите настапи на домашниот турнир.
„Одигравме лош натпревар, имавме многу грешки и многу промашени зицери. Во текот на турнирот мораме да ја подобриме нашата игра.“
_________________________________________________________________________________________
▶▶▶ Добивај директно РАКОМЕТНИ ВЕСТИ вести на твојот мобилен телефон, приклучи се на Viber групата на семејството на 24ракомет. Со еден клик до сите вести.
_____________________________________________________________________________________________________
