Тимот на Пелистер активно работи на составувањето на играчкиот кадар за наредната сезона во прволигашката конкуренција.
Една од ракометарките што играше минатата сезона во Битола, Невена Бундоска, и наредната сезона ќе остане во Пелистер.
Средниот бек од Прилеп беше важна алка од тимот на Моника Талевска, а двете страни се договорија за продолжување на соработката.
Претходно, голманката Ана Марија Горговска се договори за трансфер во Пелистер, и дресот на Куманово ќе го замени со оној на битолскиот клуб.
Битолчанки загубија во баражот за опстанок во Супер лигата од екипата на Ѓорче Петров 2 и ќе играат во Првата лига претстојната сезона.
