Поранешниот ракометар на Еурофарм Пелистер, Вилсон Давајес, во продолжение од сезоната ќе ги брани боите на шпанскиот тим Уеска.
Португалскиот среден бек по една и пол сезона го заврши ангажманот во грчкиот АЕК Атина, а сега доаѓа во тимот од Асобал лигата.
По заминувањето од Еурофарм Пелистер, Давајес играше полусезона и во францускиот Шарт, пред да се пресели во Грција.
Средниот бек своевремено играше за Спортинг Лисабон и Порто во татковината, како и за француските Сесон Рен, Данкерк и Иври.
