Веќе се познати десет учесници во главната рунда на ЕП, а денеска ќе бидат пополнети уште две места за кои во конкуренција се четири селекции – група Б (Македонија, Португалија) и група Д (Швајцарија, Фарски Острови).
Во ТОП 12 се веќе Германија и Шпанија (група А), Данска (група Б), Франција и Норвешка (група Ц), Словенија (група Д), Шведска и Хрватска (група Е), Исланд и Унгарија (група Ф).
Група Б
Данска е веќе пласирана во главната рунда.
🇵🇹 Португалија оди понатаму ако:
- ја победи или ремизира со Данска, или
- загуби од Данска, но има подобра гол-разлика од Македонија, или
- загуби од Данска, а Македонија не победи (пораз или реми).
🇲🇰 Македонија оди понатаму ако:
- ја победи Романија со доволно гол-разлика за да биде подобра од Португалија и Португалија загуби од Данска.
👉 Важно правило:
Ако Португалија загуби, а Македонија победи и двете селекции завршат со иста вкупна гол-разлика, понатаму оди тимот со повеќе постигнати голови.
Моментална состојба:
- Португалија – 69 гола
- Македонија – 53 гола
Романија повеќе не може да се пласира во главната рунда.
Група Д
Словенија е веќе пласирана во главната рунда.
🇫🇴 Фарски Острови одат понатаму ако:
- ја победат или ремизираат со Словенија, или
- загубат од Словенија, но имаат подобра гол-разлика од Швајцарија, или
- загубат од Словенија, а Швајцарија не победи (пораз или реми).
🇨🇭 Швајцарија оди понатаму ако:
- ја победи Црна Гора со доволно гол-разлика за да биде подобра од Фарски Острови и Фарски Острови загубат.
👉 Важно правило:
Ако Фарски Острови загубат, а Швајцарија победи и двете селекции завршат со иста гол-разлика, понатаму оди тимот со повеќе постигнати голови.
Моментална состојба:
- Фарски Острови – 65 гола
- Швајцарија – 63 гола
Црна Гора не може да се пласира во главната рунда.
Група Ф
Исланд и Унгарија веќе се пласирани во главната рунда, Италија и Полска ќе играат за трето место во групата.
