По првиот триумф над Бахреин, машката репрезентација на Македонија денеска има нов предизвик на „Жолтиот Куп“ во швајцарскиот град Винтертур.
Ривал на момците на Кирил Лазаров ќе биде незгодната Украина, која загуби убедливо во првото коло од домаќинот Швајцарија со 38-27.
Украинците имаат состав – комбинација од младост и искуство, со Терехов, Денисов, Комок, Акименко, но и младите Турченко, Бурзак, Онуфриенко, Близњук…
Ако денеска слават Македонија и Швајцарија, тогаш утре овие две селекции ќе се борат за првото место и трофејот во Винтертур.
Покрај дуелите во Винтертур, денеска се играат и натпревари на турнирите во Шпанија и Франција, а ќе тестираат и Црна Гора против БиХ, Унгарија против Романија, Фарски Острови против Италија…
ДЕНЕСКА НА ТЕРЕНИТЕ:
17:15 ПОРТУГАЛИЈА – ИРАН (ПРИЈАТЕЛСКИ НАТПРЕВАР)
17:45 МАКЕДОНИЈА – УКРАИНА (ПРИЈАТЕЛСКИ НАТПРЕВАР)
18:00 ЦРНА ГОРА – БОСНА И ХЕРЦЕГОВИНА (ПРИЈАТЕЛСКИ НАТПРЕВАР)
18:30 ИСЛАНД – СЛОВЕНИЈА (ПРИЈАТЕЛСКИ НАТПРЕВАР)
19:00 УНГАРИЈА – РОМАНИЈА (ПРИЈАТЕЛСКИ НАТПРЕВАР)
19:30 СЛОВАЧКА – ТУНИС (ПРИЈАТЕЛСКИ НАТПРЕВАР)
20:00 ФАРСКИ ОСТРОВИ – ИТАЛИЈА (ПРИЈАТЕЛСКИ НАТПРЕВАР)
20:15 ШВАЈЦАРИЈА – БАХРЕИН (ПРИЈАТЕЛСКИ НАТПРЕВАР)
21:00 ФРАНЦИЈА – АВСТРИЈА (ПРИЈАТЕЛСКИ НАТПРЕВАР)
