Најголемото дерби на македонскиот ракомет меѓу Еурофарм Пелистер и Вардар го доби својот термин.
Битолчани објавија дека македонското „ел класико“ ќе се игра во среда со почеток од 18:00 часот во салата „Боро Чурлевски“.
Македонскиот шампион утре точно на пладне ќе ги пушти во продажба билетите за дербито, а нема сомнеж дека Вардар го чека пекол во Битола.
Билетите ќе може да ги купите онлајн ТУКА, како и на стандардните продажни места во Битола.
На табелата Вардар води со 30 бодови, Еурофарм Пелистер има 26, додека трет е Охрид со 23.
