Вардар останува неприкосновен во домашното првенство, со 14 победа по ред, овојпат на гостувањето во Охрид, 28-26 (14-13), и ова епрв порз на Охрид на домашен терен.
Вардарци во составот го немаа Џуниор Тузолана кој се повреди на дуелот со Сесвете, па останаа само со едно лево крило, младиот Стојановски. Кај домашните, составот беше најсилниот.
Вардар почна одлично, и после 14 минути игра го примора домашниот тренер Борис Ројевиќ да бара тајмаут, бидејќи гостите водеа со 8-4. Вардар играше лесно, знаеше да реализира, имаше расположени бомбардери, а одбраната на Охрид не можеше тоа да го сопре. Продолжи Вардар со добрата игра, и имаше водство од 11-6 во 18 минута, највисока дотогаш на средбата. „Црвено-црните“ ја држеа контролата во свои раце се до 20 минута кога Горига погоди за водство 12-7. Потоа се „смени плочата“ на грамофонот.
Јака Малус мораше да одмори, влезе Боно, а со тоа и нападот на Вардар се смени. Почнаа грешките, а Охрид тоа го искористи и намали на 11-13 цо 24 минута преку Иванковиќ. За две минути Охрид постигна два гола во самата завршница, и намали на 14-13 за полувреме.
И во второто полувреме беше слично, зашто за десет минути игра зголеми на 19-15, создавајќи повторно предност во своја корист. На половина од второто полувреме „црвено-црните“ имаа предност од 21-17, а Милош Валах почна да брани одлично, бранејќи неколку сериозни топки, меѓу кои и зицерот на Ѓукиќ од крило.
Вардарци во 46 минута повторно имаа предност од „плус 5“ за водство 22-17, по што Борис Ројевиќ пак бараше минута одмор, надевајќи се дека нешто ќе може да смени. Остануваа уште 14,5 минути до крај на дербито.
Брзо „вратија“ домашните и намалија на 19-22, а потоа од една ситуација, една „отпад топка“ дојде до Горига за негов 7 гол. Но проблем беше црвениот картон на Јанковски, во 48 минута при резултат 23-19 за Вардар, бидејќи останаа скопјани само со еден пивотмен, и особено проблем во одбраната бидејќи сега имаше многу пукнатини.
И покрај сите проблеми, ВАрдар пак поведе со „плус 5“ иако Охрид брзо возврати и намали на 25-21 во 52 минута. Кога Вардар поведе со 26-21, а потоа Јака Малус шутираше над голот, тренерот на Охрид, Борис Ројевиќ во 55 минута побара тајмаут за да ги „среди“ редовите на својот тим. Остануваа уште 5 минути и 4 секудни докрај на средбата.
Иван Тасевски намали на 22-26, а потоа Вардар ја загуби топката во напад, па Давид Савревски во контра намали на 26-23, во 57 минута. Под пасивна игра Урош Митровиќ погоди за 27-23 во 58 минута. Во следниот напад Охрид изнуди пенал и исклучување на Борозан. Крсманчиќ погоди за намалување на резултатот на 27-24 во 59 минута.
Горига со проктил зголеми на 28-25, а Ѓукиќ веднаш погоди на празна мрежа. Немаше време за ништо повеќе, Вардар славеше нов триумф
