Ракометарите на Охрид меѓу двете европски пресметки против Слога Добој, ќе го одигра порано и натпреварот од 13 коло во Супер лигата.
Станува збор за езерскиот двобој против Струга, кој наместо кај соседите ќе го одиграат како гости во својот дом – СРЦ „Билјанини Извори“.
Тренерот Борис Ројевиќ многу веројатно ќе има на располагање комбиниран тим и ќе одмори дел од играчите што го изнесоа товарот на претходните два меча, но и тоа веројатно ќе биде доволно за да се запише нов триумф.
Металург Автокоманда по европската елиминација ќе се врати на домашните обврски во Супер женската лига и на свој терен го пречекува Спартак во заостанатиот натпревар од 9 коло.
На европските терени ќе имаат настапи и двајца Македонци – Евгениј Темелкоски со грчкиот ПАОК и Мартин Поповски со швајцарскиот Арау, а ќе се играат и четири натпревари во Лигата на шампионите.
Најинтересно би требало да биде во „Пјер Де Кубертен“ каде Барса ќе му гостува на ПСЖ, а ќе има натпревари во Веспрем, Алборг и Загреб.
ДЕНЕСКА НА ТЕРЕНИТЕ:
18:00 СТРУГА – ОХРИД (МАКЕДОНИЈА)
19:00 МЕТАЛУРГ АВТОКОМАНДА – СПАРТАК (МАКЕДОНИЈА)
20:00 МАКЕДОНИЈА – ВАРДАР (ПРИЈАТЕЛСКИ НАТПРЕВАР)
18:45 АЛБОРГ – КЕЛЦЕ (ЛИГА НА ШАМПИОНИ)
18:45 ВЕСПРЕМ – КОЛСТАД (ЛИГА НА ШАМПИОНИ)
18:45 ЗАГРЕБ – МАГДЕБУРГ (ЛИГА НА ШАМПИОНИ)
20:45 ПСЖ – БАРСЕЛОНА (ЛИГА НА ШАМПИОНИ)
16:00 ПАОК – АЕК (ГРЦИЈА)
19:15 АРАУ – ВИНТЕРТУР (ШВАЈЦАРИЈА)
