Европската ракометна федерација ги делегираше официјалните лица за натпреварите од третото коло во Лигата на шампионите.
Вторпат оваа сезона во најелитното натпреварување, делегирање добија македонските арбитри Димитар Митревски и Благојче Тодоровски.
Тие ќе ја делат правдата на пресметката во швајцарскиот град Луцерн, каде ќе играат тимовите на Криенс и норвешкиот Колстад.
Натпреварот на кој делегат ќе биде Унгарецот Бониферт, е закажан за 7 октомври во „Пилатус Арена“ со почеток од 18:45 часот.
