Македонскиот вицепрвак Еурофарм Пелистер денеска го очекува првиот натпревар од новата сезона во Лигата на Европа. Во Битола во салата „Боро Чурлевски“ ќе гостува шпанскиот вицешампион Ла Риоха, кој досега во сезоната одигра три меча во Асобал лигата.
Ла Риоха загуби дома од Барса со 48-32, но двапати славеше на гостински терен – кај Севиља со 33-27 и кај Нава со 38-33.
За Лигата на Европа имаат регистрирано 15 ракометари, a најпознато име е голманот Хоан Ледо, некогашен член на Вардар и поранешен репрезентативец на Шпанија во младинските категории.
Битолчани ова лето на клупата го донесоа Лино Червар, ги задржаа најдобрите ракометари, го надградија составот и во одлична атмосфера го чекаат стартот на новата европска сезона.
Мечот со Ла Риоха ќе се игра вечерва во салата „Боро Чурлевски“ со почеток од 20:45 часот. Покрај дуелот на пелистерци, во Лигата на Европа ќе се одиграат уште шест меча.
На европската сцена ќе се игра и дербито во Бундес лигата меѓу Магдебург и Кил, а свои настапи ќе имаат и македонските интернационалци – Михајло Младеновиќ, Томче Стојановски, Ива Младеновска, Пена Граматова…
ДЕНЕСКА НА ТЕРЕНИТЕ:
19:00 МАГДЕБУРГ – КИЛ (ГЕРМАНИЈА)
18:45 ФЛЕНСБУРГ – ГРАНОЉЕРС (ЛИГА НА ЕВРОПА)
18:45 КАДЕТЕН ШАФХАУЗЕН – ЧСМ БУКУРЕШТ (ЛИГА НА ЕВРОПА)
18:45 ТАТАБАЊА – СЛОВАН ЉУБЉАНА (ЛИГА НА ЕВРОПА)
20:45 БИДАСОА ИРУН – ХАФНАРФЈОРДУР (ЛИГА НА ЕВРОПА)
20:45 ЕУРОФАРМ ПЕЛИСТЕР – ЛА РИОХА (ЛИГА НА ЕВРОПА)
20:45 ЛИМОЖ – МАРИТИМО (ЛИГА НА ЕВРОПА)
20:45 ТАТРАН ПРЕШОВ – БЕРГИШЕР (ЛИГА НА ЕВРОПА)
18:00 КРЕТЕЈ – ШАРТ (ФРАНЦИЈА)
19:30 БОРУСИЈА ДОРТМУНД – ХАЛЕ НОЈШТАТ (ГЕРМАНИЈА)
19:00 АЛБАТРО – САСАРИ (ИТАЛИЈА)
18:30 НАИСА НИШ – ВОЈВОДИНА (СРБИЈА)
18:00 ПРЕШОВ – ЈУВЕНТА МИХАЛОВЦЕ (СЛОВАЧКА)
